ឆ្នាំ២០១៦នេះពេជ្រសោភាឆក់យកដំណែងរាជិនីហង្សមាសពីសុគន្ធកញ្ញាវិញ

វាពិតជារឿងមិនគួរអោយជឿដែល សំទុះនៃការគាំទ្រនិងកេរ្តិ៍ឈ្មោះរបស់អ្នកនាងពេជ្រ សោភាបានឡើងដល់លំដាប់កំពូលក្នុងប្រទេស។កាលពីប៉ុន្មានឆ្នាំមុនគេសង្កេតឃើញថា កម្រិតនៃការគាំទ្ររបស់ពេជ្រសោភាស្ថិតនៅក្នុងលំដាប់បង្គួរប៉ុណ្ណោះ ដោយសារតែពេលនោះហង្សមាសមិនសូវបានបញ្ចេញបទល្អៗអោយគាត់ឡើយ ហើយខណៈនោះអ្នកណាក៏ដឹងដែរថាសុគន្ធ កញ្ញាជាតួឯករបស់ផលិតកម្មហង្សមាស។ប៉ុន្តែត្រឹមរយះពេលដ៏ខ្លី ក្រោយការចាប់ដៃគូរជាមួយដេវីតនិងងាកមកនិពន្ធបទចម្រៀងថ្មីដោយខ្លួនឯងមក ការគាំទ្ររបស់ពេជ្រសោភា ផ្ទុះខ្លាំងស្ទើរតែមិនគួរអោយមិនជឿ។អ្នកចូលចិត្តតាមដានសង្គមសិល្បៈក៏ដូចជាបទចម្រៀង យល់ឃើញថាអ្នកនាងពេជ្រ សោភាពិតជាខ្លាំងមិនធម្មតាហើយការដែលគាត់នៅឈរជើងហង្សមាសហាក់គ្រាន់តែនៅក្នុងនាមដឹងគុណតែប៉ុណ្ណោះ ពីព្រោះទាំងបទភ្លេង ទំនុកច្រៀងរួមទាំងដឹកនាំសម្ដែងគឺពេជ្រ សោភាមានសមត្ថភាពធ្វើបានខ្លួនឯងទាំងអស់ មិនចាំបាច់ត្រូវរង់ចាំអោយហង្សមាសទម្លាក់បទធម្មតាៗអោយច្រៀងដូចមុនទេ។

ម្យ៉ាងទៀតការដែលកេរ្តិ៍ឈ្មោះនិងសំទុះនៃការគាំទ្ររហូតក្លាយជារាជិនីហង្សមាសមិនមែនជារឿងចម្លែកនិងថ្មីសម្រាប់តារាចម្រៀងរូបនេះឡើយ ដោយសារតែដំណែងនេះជារបស់ពេជ្រ សោភាធ្លាប់គ្រងតាំងពីមិនទាន់មាន សុគន្ធ កញ្ញាចូលហង្សមាសមកម្ល៉េះ។យើងចាំមើលទាំងអស់គ្នាថានៅឆ្នាំ២០១៧ខាងមុខ អ្នកនាងពេជ្រ សោភានឹងនៅតែរក្សាតំណែងនេះបានឬក៏ធ្លាក់ទៅតារាចម្រៀងណាផ្សេងទៀត៕

ដោយ៖ Sai