តារាចម្រៀងខ្មែរណាខ្លះ មានបទចម្រៀងក្នុងតារាងតន្ត្រីលំដាប់លេខមួយលើពិភពលោក Vevo

បើសិនជាលោកអ្នកចូលចិត្តស្ដាប់តន្ត្រីបរទេសជាពិសេសបទជាភាសាអង់គ្លេស លោកអ្នកប្រាកដជាស្គាល់Vevoជាមិនខាន ដោយសារតែតារាចម្រៀងបរទេសល្បីៗ សុទ្ធដាក់បញ្ចូលបទខ្លួនក្នុងVevoទាំងអស់។Vevoជាសេវាកម្មតន្ត្រីដ៏ធំជាងគេបង្អស់លើគេក្នុងលោកដោយផ្អែកលើ youtube។ជាទូទៅបទចម្រៀងដែលអាចបញ្ចូលក្នុងតារាងតន្ត្រីរបស់វាបាន លុះត្រាតែទទួលបានការពិនិត្យមើលយ៉ាងហ្មត់ចត់។ដូច្នេះវាមិនមែនជារឿងងាយនោះទេ ក្នុងការផលិតបទចម្រៀងដែលអាចមានលទ្ធភាពឈានចូលទៅកាន់តារាងតន្ត្រីមួយនេះបាន។ងាកមកចាប់អារម្មណ៍លើតារាចម្រៀងខ្មែរវិញ លោកអ្នកប្រហែលជាមិនចាប់អារម្មណ៍ទេថា ស្នាដៃរបស់កូនខ្មែរក៏មានលទ្ធភាពក្នុងការដាក់ចូលVevoបានដែរ។ ដោយឡែកប្រិយមិត្តមួយចំនួនខ្លះក៏បានដឹង និងខ្លះទៀតក៏មិនបានដឹងថាតារាចម្រៀងខ្មែររូបណាខ្លះ មានសមត្ថភាពនិងទេពកោសល្យអាចផលិតបទចម្រៀងក្នុងVevoមិនចាញ់តារាបរទេស។

1. តារាចម្រៀងទីមួយគឺ កញ្ញាមាស សុខសោភា

ក្រៅពីឈរលំដាប់ជួរមុខគេក្នុងប្រទេសហើយនោះ មាស សុខសោភាក៏ឈានមួយជំហានយ៉ាងវែងផុតពីតារាចម្រៀងល្បីៗមួយចំនួន ដោយមាស សុខសោភា មានបទចម្រៀងដាក់ចូលតារាងតន្ត្រីឈានមុខគេនេះ តាំងពីបីឆ្នាំមុនមកម្ល៉េះ ពោលគឺជាតារាចម្រៀងខ្មែរដំបូងគេបង្អស់ដែលមាន Channel Vevo។មកទល់ពេលនេះមាស សុខសោភាមានបទចម្រៀងបួនបទដែលបានបង្ហោះចូលរួច។បទទាំងនោះរួមមាន So Selfish, Dance Today, All lies, និង Pushing you away។

2. តារាចម្រៀងទីពីរគឺ ស្រីស្អាត Nikki Nikki

បើនិយាយពីសមត្ថភាពវិញ Nikki Nikki ពិតជាមានមិនធម្មតាឡើយ។ តារាចម្រៀងវ័យក្មេងរូបនេះ បានធ្វើអោយបរទេសកោតសរសើរលើសមត្ថភាពសម្លេងច្រៀងជាភាសាអង់គ្លេសបានយ៉ាងល្អឥតខ្ចោះ មិនចាញ់តារាប៉ែកខាងបស្ចិមប្រទេសឡើយ។ ដូច្នេះវាមិនចម្លែកនោះទេ ដែលបទចម្រៀងOriginal របស់កញ្ញាត្រូវបានបញ្ចូលក្នុងVevoបានយ៉ាងមានមោទនភាព។សម្រាប់Nikki មានបទចម្រៀងចំនួនបួនបទដូចគ្នាដែលបានដាក់ចូលរួមមាន Home for dinner, Mine, Trust Again និង Scornដែលទើបតែចេញពីពេលថ្មីៗនេះ។