បទចម្រៀង មាស សុខសោភា អង្រួនចិត្តអ្នកគាំទ្រជាខ្លាំងមុនដំណាច់ឆ្នាំ២០១៦

នាមួយរយៈចុងក្រោយនេះ បទចម្រៀងថ្មីៗរបស់កញ្ញា មាស សុខសោភា កំពុងតែទទួលបានការគាំទ្រទាំងបទចម្រៀង និងវីដេអូបទចម្រៀង។ បទចម្រៀងចំនួន២បទរបស់កញ្ញា មាស សុខសោភា ដែលមានចំណងជើងថា "ឧត្តមស្វាមី" និង "Dance and Smile" បានចេញផ្សព្វផ្សាយជាបន្តបន្ទាប់គ្នាមុនចេញលក់លើទីផ្សារលើទំព័រហ្វេសប៊ុករបស់កញ្ញា មាស សុខសោភា និងផលិតកម្ម ថោន។ បន្ថែមពីលើនេះ MV Teaser ទាំង២បទនេះក៏កំពុងអង្រួនចិត្តអ្នកគាំទ្រទាំងបទចម្រៀង និងសាច់រឿងនៃបទចម្រៀងនេះ។

បទ "ឧត្តមស្វាមី" ជាបទដែលបានរៀបរាប់ពីស្វាមីដែលលះបង់គ្រប់យ៉ាងដើម្បីសុភមង្គលគ្រួសារ ហើយក៏ជាបទដែលដកស្រង់ពីរឿងពិតរបស់គ្រួសារមួយផងដែរ។ ចំណែកបទ "Dance and Smile" បានបញ្ចូលនូវឧបករណ៍ភ្លេងខ្មែរ អមជាមួយរូបភាពនៃរបាំប្រពៃណីដ៏ផូរផង់របស់ជាតិខ្មែរយ៉ាងរស់រវើក បូកផ្សំភ្លេងសម័យ និងចង្វាក់រាំប្លែកៗគួរឱ្យចង់ទស្សនា។

បទចម្រៀងថ្មីទាំង២បទនេះ ជាស្នាដៃនិពន្ធថ្មីសុទ្ធសាធដែលត្រៀមស្វាគមន៍ឆ្នាំថ្មី ២០១៧ ពីផលិតកម្ម ថោន។ ពេលនេះយើងទៅស្ដាប់បទចម្រៀងពេញ និងទស្សនាវីដេអូ Teaser ជាមួយវីដេអូខាងក្រោមនេះ៖