ក្រោយពីចាកចេញពីទ្រនំហង្សមាសចូលមកធ្វើការក្នុងផលិតកម្មថោនអស់មួយខ្យល់ធំរួចមក ពេលនេះអ្នកនិពន្ធវ័យក្មេងបានសម្រេចរើបង្វេចរបស់ខ្លួនពីថោន ត្រលប់ទៅរកឆ្នាំងចាស់ផលិតកម្មហង្សមាសវិញហើយ។ការវិលទៅរកទ្រនំចាស់មិនខុសពីកញ្ញាសុគន្ធ នីសាប៉ុន្មានឡើយ ពោលគឺចេញពីហង្សមាសចូលថោន ចេញពីថោនចូលហង្សមាសវិញ។ តាមរយៈសារនៅក្នុង Facebook គេអាចយល់ន័យបានថាពេលនេះ ដូរ៉េពិតជាចូលហង្សមាសមែន គឺតាំងពីខែកញ្ញាមកម្ល៉េះនេះបើតាមCommentរបស់អ្នកដឹកនាំរបស់ហឹង្សាមាស លោកកៅ សីហា។
គួររំលឹកផងដែរថាកាលដែលអ្នកនិពន្ធដ៏មានប្រជាប្រិយភាព ចាកចេញពីហង្សមាសក៏ដោយសារ តែខ្លួនអន់ចិត្តនឹងផលិតកម្មដែលកាលណោះមិនសូវចេញបទចម្រៀងជាស្នាដៃខ្លួនទើបសោម ដូរ៉េសម្រេចចិត្តចេញ ហើយមកចូលកុងត្រាក្នុងផលិតកម្មថោន។ បទចម្រៀងដែលនៅហង្សមាសមានតែបីបទប៉ុណ្ណោះដែលលេចធ្លោដូចជាបទសង្សារលេងៗ ស្រលាញ់អូន៣៦៦ថ្ងៃ និងបទសង្សារឡូយពេក។ក្រោយចូលក្នុងផលិតកម្មថោន គេសង្កេតឃើញថាកេរ្តិ៏ឈ្មោះកវីរូបនេះកាន់តែល្បីខ្លាំងដោយសារស្នាដៃនិពន្ធបទចម្រៀងល្អៗនិងធ្វើអោយតារាចម្រៀងជាច្រើននៅថោនល្បីល្បាញដូចជាបទ រាំជាន់អាចម៍គោ បោកខោអាវនឹកស្នេហ៍ ស្វារាំគ្រវីលីអូ លើលោកនេះខ្ញុំស្រលាញ់ម៉ាក់ខ្ញុំជាងគេ និងបទចម្រៀងល្បីៗជាច្រើនទៀត ព្រមទាំងបានបញ្ចេញអាល់ប៊ុមពិសេសៗដូចជា អាល់ប៊ុមមនុស្សស្រីរបស់សុគន្ធ នីសា មាស សុខសោភា អេននី សាសានិង លី អ៊ីវ៉ាធីណា រួមទាំងអាល់ប៊ុមព្រះអាទិត្យស្នេហ៍ព្រះចន្ទផងដែរ។
ប្រភព: Facebook ( Dore Dore)
ចំពោះមូលហេតុដែលធ្វើអោយកវីរូបនេះចាកចេញចោលស្នាដៃជាច្រើនរបស់ខ្លួនក្នុងថោននៅពេលនេះ មានលេចលឺមូលហេតុដូចគ្នានឹងកាលដែលខ្លួនចាកចេញពីហង្សមាសកាលពីប៉ុន្មានឆ្នាំមុនដូចគ្នាគឺដោយសារសោម ដូរ៉េអាក់អន់ចិត្តដែលថោនមិនបញ្ចេញលក់បទចម្រៀងរបស់ខ្លួន ហើយចេញតែស្នាដៃអ្នកនិពន្ធដទៃ។ទោះយ៉ាងណាគេរំពឹងទុកថា សោម ដូរ៉េនឹងមានសង្ឈឹមខ្ពស់ក្រោយត្រឡប់ចូលហង្សមាសម្តងទៀតដោយសារពេលនេះអ្នកនិពន្ធសោម ដូរ៉េមិនមែនទើបតែជើងថ្មីដូចមុនដែលហង្សមាសត្រូវមើលរំលងស្នាដៃដូចមុនឡើយ ម្យ៉ាងទៀតអ្នកចម្រៀងហង្សមាសនៅពេលនេះក៏មានច្រើន ដូច្នេះវាជាការត្រឡប់ក្រោយវិញដែលត្រឹមត្រូវដោយសារ កវីរូបនេះនឹងមិនខ្លាចអន់ចិត្តថាទំនុកច្រៀងរបស់ខ្លួនគ្មានអ្នកច្រៀងទៀតនោះទេ៕
ដោយ: Tea
0 comments:
Post a Comment