មិនទាន់បានមួយសប្ដាហ៍ក្រោយពីការប្រកាសដកខ្លួនចេញពីផលិតកម្មហង្សមាសរបស់ឈិត សុវណ្ណបញ្ញាផង ពេលនេះតារាចម្រៀងលំដាប់ជួរមុខរបស់ហង្សមាសម្នាក់ទៀតក៏ប្រកាសពីការលាឈប់ជាផ្លូវការភ្លាម។ម្សិលមិញប្រិយមិត្តនិងជាអ្នកគាំទ្ររបស់អ្នកនាងយក់ ថិតរដ្ធាប្រាកដជាបានដឹងអំពីការលាឈប់ពីផលិតកម្មហង្សមាសក្រោយពីគាត់បានឈរជើងអស់រយះពេល៥ឆ្នាំមកនេះ។
ការពិតវាមិនមែនជាដំណឹងដែលគួរអោយភ្ញាក់ផ្អើលឡើយចំពោះដំណឹងមួយនេះ ដោយសារតែគាត់(អ្នកនាងយក់ ថិតរដ្ធា)បានបង្ហើបវាយូរមកហើយថា បើសិនជាផលិតកម្មហង្សមាសមិនផ្ដល់ដំណោះស្រាយសមរម្យណាមួយនោះ គាត់នឹងដើរចេញ។ប៉ុន្តែអ្វីដែលធ្វើអោយមហាជនភ្ញាក់ផ្អើលគឺព័ត៌មានបន្ទាប់ពីនេះ ពោលគឺមិនប៉ុន្មានម៉ោងផង ក៏មានសារព័ត៌មានចុះផ្សាយថាការដែលអ្នកនាង យក់ ថិតរដ្ធាចាកចេញក៏ដោយសាររដ្ធា អន់ចិត្ត តូចចិត្តឬអាចថាច្រណែននឹងកញ្ញាសុគន្ធ នីសាដែលត្រូវបានហង្សមាសលើកដាក់លើជើងពាន បញ្ចេញទាំងបទចម្រៀងយ៉ាងពិសេសៗព្រមទាំងផ្ដល់ដំណែងជាតួឯកទៀតផង។
តាមរយះព័ត៌មានដែលយកសុគន្ធ នីសាមកពាក់ព័ន្ធនេះហាក់ដូចជាមានចេតនាលាបពណ៌អោយអ្នកនាងយក់ ថិតរដ្ធាក្លាយជាមនុស្សម្នាក់មានចិត្តចង្អៀត ចិត្តអាក្រក់ ច្រណែនឈ្នានីសសុគន្ធ នីសាទៅវិញ។នេះអាចចាត់ទុកថាជាការលាបពណ៌ដើម្បីបំផ្លាញកេរ្តិ៍ឈ្មោះរបស់ម្ចាស់បទភ្លើងរូបនេះ ក្នុងន័យអោយមហាជនលែងគាំទ្រតទៅទៀត។
បើទោះជាយ៉ាងណាវាមិនមែនជាលើកទីមួយនោះទេ សម្រាប់តារាចម្រៀងដែលចាកចេញពីផលិតកម្មដ៏ធំមួយនេះ ដោយសារតែកញ្ញា ឈិត សុវណ្ណបញ្ញាក៏ត្រូវក្លាយជាមនុស្សរមិលគុណផងដែរ។ពោលគឺអតីតតារាចម្រៀងហង្សមាសទាំងពីរ ហាក់ដូចជាមាននរណាម្នាក់មានបំណងចាំបំផ្លាញកេរ្តិ៍ឈ្មោះក្នុងសិល្បៈអញ្ចឹងក្រោយពីការដើរចេញរបស់ពួកគាត់៕
ដោយ: Sai
0 comments:
Post a Comment