ទូរទស្សន៍ហង្សមាសត្រៀមថត និងចាក់ផ្សាយរឿងភាគខ្មែរដើមឆ្នាំ២០១៧
បន្ទាប់ពីទូរទស្សន៍ក្នុងស្រុកជាច្រើនកំពុងដុតដៃផលិត និងចាក់ផ្សាយខ្សែភាពយន្តភាគខ្មែរជាច្រើនសម្រាប់ចាក់នៅម៉ោងមាស ពោលគឺម៉ោង៧ ដល់៩យប់ ទៅតាមសេចក្ដីប្រកាសពីក្រសួងព័ត៌មានឱ្យចាក់ផ្សាយតែអ្វីដែលបង្កើតឡើងដោយកូនខ្មែរ។ ១ឆ្នាំក្រោយទើបទូរទស្សន៍ហង្សមាសសម្រេចត្រៀមថត និងចាក់បញ្ចាំងខ្សែភាពយន្តភាគខ្មែរ ក្រោយមានការរិះគន់ថាគ្មានអ្វីចាក់ផ្សាយដែលបង្កើតឡើងដោយកូនខ្មែរក្រៅពីកម្មវិធីព័ត៌មាន និងកម្មវិធីទិញសិទ្ធិពីបរទេស។
ចំណែកនៅលើបណ្ដាញសង្គមទូរទស្សន៍ហង្សមាស ក៏បានឱ្យប្រិយមិត្តធ្វើការជ្រើសរើស Idol មួយគូដែលស័ក្តិសមជាងគេសម្រាប់ធ្វើជាតួឯកក្នុងខ្សែភាពយន្តភាគរបស់ខ្លួនជាលើកដំបូងក្នុងនោះមានដូចជា លោក ព្រាប សុវត្តិ, ឆន សុវណ្ណរាជ, ណុប ប៉ាយ៉ារិទ្ធ, កញ្ញា ឱក សុគន្ធកញ្ញា, សុគន្ធ នីសា និងអ្នកនាង ពេជ្រ សោភា។ តើមិត្តគិតថា ដៃគូណាដែលស័ក្តិសមសម្រាប់ទទួលតំណែងនេះ។
បើតាមព័ត៌មានចេញពីក្រុមការងារទូរទស្សន៍ហង្សមាសបានឱ្យដឹងថា ទូរទស្សន៍ហង្សមាសនឹងចាប់ផ្ដើមថតខ្សែភាពយន្តភាគខ្មែរនាពេលឆាប់ៗនេះ ដើម្បីត្រៀមចាក់បញ្ចាំងនៅដើមឆ្នាំ២០១៧ ដោយថតបណ្ដើរបញ្ចាំងបណ្ដើរ៕
អត្តបទ៖ តុលា
0 comments:
Post a Comment