ពៅ បញ្ញាពេជ្រ បង្ហាញខ្លួនសារជាថ្មី តាមរយៈការផ្តល់ឱកាសដោយទូរទស្សន៏CNC

បន្ទាប់ពីបាត់មុខយ៉ាងយូរ ក្រោយការលបបាញ់ប្រហារយ៉ាងអាក្រក់ ពេលនេះកញ្ញាពៅ បញ្ញាពេជ្រ បានបង្ហាញខ្លួនសារជាថ្មីតាមរយះកញ្ចក់ទូរស្សន៏CNC។ គេនៅចាំបានថា មុនពេលមានគ្រោះថ្នាក់ ពៅ បញ្ញាពេជ្រក៏ជាតារាចម្រៀងម្នាក់ ប្រចាំផលិតកម្មហង្សមាសផងដែរ តែដោយសារតែសំណាងអាក្រក់មួយនេះ ទើបកញ្ញាធ្លាក់ខ្លួនពិការហើយក៏បាត់វត្តមានពីផលិតកម្ម និងពីពិភពសិល្បះអស់មួយរយៈធំ។ ទោះយ៉ាងណាការវិលត្រលប់និងឡើងឆាកជាលើកទីមួយនេះ ដោយកញ្ញាបានបកស្រាយបទចម្រៀងចំនួនពីរបទយ៉ាងក្រលួច បានធ្វើអោយមហាជននៅតែមានចិត្តអាណិត ស្រលាញ់និងលើកទឹកចិត្តកញ្ញាខ្លាំងផងដែរ។ នេះជាការបើកឱកាសថ្មីម្តងទៀត សម្រាប់ជិវិតក្នុងវិថីសិល្បះរបស់កញ្ញា។ សង្ឃឹមថាបងប្អូននឹងនៅតែបន្តការគាំទ្រ និងលើកទឹកចិត្តដល់គាត់ ហើយក៏ចង់អោយបណ្តាស្ថានីយ៏ទូរទស្សន៏ដទៃទៀត អញ្ញើញកញ្ញាបន្តទៀត បើទោះពេលនេះកញ្ញា មិនស្ថិតក្នុងផលិតកម្មដូចមុនក្តី។ 
សូមបញ្ជាក់ថា កញ្ញា ពៅ បញ្ញាពេជ្ររងគ្រោះថ្នាក់ដោយការបាញ់ប្រហារកាលពី១០ឆ្នាំមុន ហើយបានធ្វើអោយកញ្ញាធ្លាក់ខ្លួនយ៉ាងខ្លាំងដោយសារត្រូវចំណាយថ្លៃព្យាបាលយ៉ាងច្រើន។ 

Share on Google Plus