MV "នឹកសម្លស្នាដៃម៉ែ" ចង្វាក់រាំវង់កេរ្តិ៍ដូនតារំលេចសិល្បៈល្ខោនខោល និងល្ខោនស្បែក មើលហើយនឹកម៉ែនៅស្រុក

បទចម្រៀងត្រៀមស្វាគមន៍ឆ្នាំថ្មីកំពុងតែចេញជាបន្តបន្ទាប់ពីបណ្ដាផលិតកម្មធំៗក្នុងស្រុកមួយចំនួន។ ខុសប្លែកកាលពីពីរបីឆ្នាំមុន ឆ្នាំនេះផលិតកម្មនិមួយៗហាក់ដូចជាសម្រុកចេញតែបទញាក់ៗបែកស្លុយ ហាក់មិនសូវជាបញ្ចេញបទចង្វាក់ប្រពៃណីប៉ុន្មាននោះទេ។ នេះអាចបណ្ដាលមកពីមិនទាន់ដល់ពេលជិតចូលឆ្នាំ ទើបផលិតកម្មភាគច្រើនមិនទាន់បញ្ចេញ ឬក៏បញ្ចេញមកហើយ ប៉ុន្តែអ្នកគាំទ្រភាគច្រើនពេញនិយមតែបទញាក់ Remix។

មិនខុសពីផលិតកម្មដទៃ ផលិតកម្មថោន ដែលចេញបទញាក់មកច្រើនហើយ ក៏បានងាកមកបង្ហោះបទចម្រៀងចង្វាក់ប្រពៃណីម្ដង។ "នឹកសម្លស្នាដៃម៉ែ" ដែលជាបទនិពន្ធថ្មីចង្វាក់រាំវង់បកស្រាយដោយកញ្ញាអេននីហ្សាម ពិតជាពីរោះ និងពោរពេញដោយអត្ថន័យមែនទែន ធ្វើអោយអ្នកដែលបានស្ដាប់ហើយមានអារម្មណ៍នឹកស្រុក នឹកម៉ែ នឹកពុក បន់អោយតែដល់ថ្ងៃចូលឆ្នាំដើម្បីទៅលេងស្រុក។

ចំណែក MV វិញ ក្រៅពីរំលេចចេញនៅចង្វាក់រាំបែបប្រជាប្រិយ រក្សាតម្លៃប្រពៃណីខ្មែរមិនរាំរញ៉េរញ៉ៃ គេក៏សង្កេតឃើញមានរំលេចចេញល្ខោនខោល ព្រមទាំងល្ខោនស្បែកមើលទៅរឹតតែប្លែកបន្ថែមទៀត។ ចង់ដឹងអត្ថន័យ និងរូបភាពយ៉ាងណាសូមទស្សនាវីដេអូទាំងអស់គ្នា៖

អត្ថបទ៖ ឡេង