អ្នកគាំទ្រអ៊ីវ៉ាជ្រួលច្របល់ក្រោយអ្នកនៅពីក្រោយធ្វើអោយអ៊ីវ៉ាល្បី ផ្លាស់ចូលថោន

បទចម្រៀងមួយបទដែលល្បីក្រៅពីត្រូវការសម្លេងអ្នកចម្រៀងពីរោះហើយ ក៏ត្រូវការចូលរួមអ្នកសរសេរទំនុកច្រៀងអោយល្អផងដែរ។បើសិនជាអ្នកច្រៀងសម្លេងពីរោះប៉ុន្តែបារ៉ូលមិនដឹងណាណី ក៏បទនោះមិនផ្ទុះការគាំទ្ររួចដែរ។ដូច្នេះអ្នកនិពន្ធក៏ជាចំណែករួមផ្សំក្នុងបទចម្រៀងនោះដែរ។ងាកមកចាប់អារម្មណ៍អ្នកនិពន្ធស្រីវ័យក្មេងស្រស់សោភា ស៊ិន ធារីវិញ មនុស្សភាគច្រើនមិនសូវជាស្គាល់គាត់ប៉ុន្មានទេ ប៉ុន្តែបើនិយាយដល់បទខឹងឬស្អប់បងអាចជេរអូនបាន លើសពីហ្វេនបានអត់? គ្មានអ្នកណាដែលមិនស្គាល់ទេព្រោះជាបទចម្រៀងល្បីពេញផ្ទៃប្រទេស។ហើយនេះជាស្នាដៃនិពន្ធរបស់កញ្ញាស៊ិន ធារីក្នុងចំណោមស្នាដៃដែលល្បីភ្លូកទឹកភ្លូកដីជាច្រើនទៀត។

ក្នុងចំណោមតារាចម្រៀងទាំងអស់របស់សាន់ដេ ស៊ិន ធារីហាក់ដូចជាយកចិត្តទុកដាក់ដល់អ៊ីវ៉ាច្រើនជាងគេ ហើយអាចនិយាយបានថាអ៊ីវ៉ានៅតែរក្សាប្រជាប្រិយភាពមកដល់សព្វថ្ងៃក៏មានអ្នកនិពន្ធម្នាក់នេះជាខ្នងបង្អែកដ៏រឹងមាំដែរ។ប៉ុន្តែក្រោយការចាកចេញរបស់ស៊ិន ធារីពីសាន់ដេមកចូលថោន វាពិតជាដំណឹងមិនល្អមួយសម្រាប់អ្នកគាំទ្រអ៊ីវ៉ាប៉ុន្មានឡើយ។ពួកគេកំពុងតែព្រួយបារម្ភពីប្រជាប្រិយភាពរបស់អ៊ីវ៉ានៅថ្ងៃខាងមុខ ខណះដែលរាល់ថ្ងៃអ៊ីវ៉ាហាក់មិនសូវបានទទួលការលើកស្ទួយពីសាន់ដេស្រាប់ផង បើទោះជាមហាជនយល់ឃើញថាអ៊ីវ៉ាមានសម្លេងល្អនិងពីរោះជាងគេនៅសាន់ដេក្ដី។

គេមិនទាន់ដឹងអ៊ីវ៉ាសម្រេចចិត្តយ៉ាងណានោះទេ សម្រាប់ជំហានបន្ទាប់ក្រោយពីបាត់បង់អ្នកនៅពីក្រោយម្នាក់នេះ។ចាំមើលថាអ៊ីវ៉ានឹងបន្តកុងត្រានៅជាមួយសាន់ដេបន្ដទៀត ឬក៏ហក់ចូលហង្សមាសដែលជាផលិតកម្មដ៏ធំជាងគេនៅស្រុកខ្មែរតាមសុខ ស្រីនាងឬយ៉ាងណា ព្រោះបើតាមសមត្ថភាពរបស់អ៊ីវ៉ាហង្សមាសពិបាកនឹងមិនទទួលយកណាស់៕

ដោយ:Sai